மருத்துவ ஆலோசனை. பாகம் 1

மருத்துவர் கண்ணபிரான் தரும் மருத்துவ ஆலோசனை
நீரிழிவு நோய் என்றால் என்ன?
அந்த நோய் எவ்வாறு நம் உடலில் உருவாகிறது ?
அதனது அறிகுறிகள் என்ன ?
இவ்வாறான விடயங்களை இந்த நிகழ்ச்சியில் கேட்கலாம்.
நேர்  காண்பவர்: விக்டர் விமலகுமார்
தயாரிப்பு: நோர்வே தேன்தமிழ் ஓசை

கொழும்பு உயர் மறைமாவட்டத்தின் புதிய துணை ஆயர்

அருட்டந்தை அன்ரன் றஞ்சிற் பிள்ளைநாயகம்

கொழும்பு உயர் மறைமாவட்டத்தின் புதிய துணை ஆயர்

கத்தோலிக்க திரு அவையின் தலைமை ஆயர் திருத்தந்தை பிரான்சிஸ் அவர்கள் இலங்கை, கொழும்பு உயர் மறைமாவட்டத்தின் புதிய துணை ஆயராக அருட்டிரு அன்ரன் றஞ்சிற் பிள்ளைநாயகம் அவர்களை கடந்த 13-07-2020 அன்று நியமித்தார்.

1966ம் ஆண்டு புரட்டாதி 23ம் நாள் யாழ்ப்பாணத்தில் பிறந்த அன்ரன் றஞ்சிற் அவர்கள் தம் ஆரம்ப, இடைநிலைக்கல்வியை கொழும்பிலும், உயர்கல்வியை யாழ். சம்பத்தரிசியார் கல்லூரியிலும், விஞ்ஞானப் பட்டப்படிப்பை யாழ் பல்கலைக் கழகத்திலும் நிறைவுசெய்தார்.

2000ம் ஆண்டு புரட்டாதி 16ம் நாள் கொழும்பில் குருவாக அருட்பொழிவு செய்யப்பட்ட அன்ரன் றஞ்சிற் அவர்கள், கடந்த 20 ஆண்டுகளாக கொழும்பின் பல பிரபல கல்லூரிகளில் ஆசிரியாரகவும் துணை அதிபராகவும் பணியாற்றி வருகிறார்.

புதிய துணை ஆயராக நியமனம் பெற்றிருக்கும் ஆயரவர்களின் பணி சிறக்க நாமும் செபிக்கிறோம், வாழ்த்துகிறோம்.

தகவல் Dr. Elmer Edward.

யசோதாவுடன் சில நாட்கள் [நாள் 9] இறுதி நாள்
எழுத்துருவாக்கம்: உஷா கனகரட்ணம்
குரல்வடிவம்: யூலியஸ் அன்ரனி
தயாரிப்பு: தேன் தமிழ் ஓசை
 

யசோதாவுடன் சில நாட்கள் [நாள் 8]
எழுத்துருவாக்கம்: உஷா கனகரட்ணம்
குரல்வடிவம்: யூலியஸ் அன்ரனி
தயாரிப்பு: தேன் தமிழ் ஓசை

மருத்துவர் kathy Møen உடனான உரையாடல்.
கொரோனா வைரஸ் தொற்று நோய் தொடர்பான தகவல்களை அறிந்து கொள்ள தமிழில் புதிய இணையத்தளம். Inncovid.no
உங்களுடைய சந்தேகங்களை தமிழிலேயே எழுதி அனுப்பினால் அதற்கான பதில் தமிழிலேயே உங்களுக்கு வழங்கப்படும். உங்களது பெயர்களை யோ, தொலைபேசி இலக்கங்களையும் அதில் குறிப்பிட வேண்டிய அவசியமில்லை.
நோர்வேயில் வாழும் புலம்பெயர்ந்த மக்களும் குரோனா வைரஸ் தொற்று நோ யும் என்ற தலைப்பில் சில கேள்விகளை இதில் இணைத்துள்ளோம் தமிழ் மக்கள் அனைவரும் இதில் பங்கேற்குமாறு அன்போடு கேட்டுக்கொள்கின்றோம். http://nettskjema.no/a/151412

யசோதாவுடன் சில நாட்கள் [நாள் 7]
எழுத்துருவாக்கம்: உஷா கனகரட்ணம்
குரல்வடிவம்: யூலியஸ் அன்ரனி
தயாரிப்பு: தேன் தமிழ் ஓசை

தமிழ் சங்கம் பேர்கன் நோர்வே

தாளையடியில் பிறந்து
அருட்பணிக்காய் அர்ப்பணித்து
அகமகிழ்ந்து நின்றவரே,
ஆன்மீகப் பணி புரிய நோர்வே பேர்கன் மண்
நாடி வந்த அருட்பணியாளரே,
பேர்கன் தமிழ் சங்கத்தின் தலைமை ஏற்று
எம் சங்கத்தின் சிறந்த பொறுப்பாளராய்
பல ஆண்டுகள் பணி புரிந்த
முன்னாள் தலைவரே,
தாய் மண்ணில் உறவிழந்து
பரிதவித்து நின்ற பாலகர்களை
அரவணைத்து கல்விப்பசி தீர்த்த பாசத்தந்தையே
ஆன்மீக, தத்துவ சிந்தனைகளை
முழங்கிய தங்கக்குரலோனே
இன்று நீங்கள் மௌனித்துக் கொண்ட
செய்தி கேட்டு தவித்து நிற்கின்றோம்

தமிழ் தாயின் பாசப் புதல்வனானே
இயேசு பிரானின் கருணை உள்ளமே
வானுலக தேவன் வாவென்று அழைத்தால்
எம்மால்தான் என்ன செய்ய முடியும்.
அழைத்த தேவன் தமதருகில் உமை அமர்த்தி
ஆறுதலைத் தந்தருள மனமுருகி மன்றாடி
இறைபரனை வேண்டுகின்றோம்.

பிரிவால் துயருறும்
பேர்கன் வாழ் மக்கள் சார்பில்
தமிழ் சங்கம் பேர்கன் நோர்வே

Hei, Jeg heter Esperanza og jeg er medlem i Inncovid, et prosjekt som ble startet av Universitet i Bergen for å utforske innvandrernes tilgang til informasjon om Covid-19. På nettsiden Inncovid.no kan man få informasjon på fem ulike språk (arabisk, polsk, somalisk, spansk og tamilsk) og svare på et spørreskjema som vil hjelpe til å forbedre norske helsetjenester i fremtiden. Kan du svare på spørreundersøkelsen, sende den til så mange tamilere du kan og be dem om å gjøre det samme? Spørreundersøkelsen kan bli funnet på nettsiden eller ved hjelp av lenken til den tamilske versjonen:

Tamilsk, Innvandrere i Norge under koronavirusepidemien (COVID-19)

யசோதாவுடன் சில நாட்கள் [நாள் 6]
எழுத்துருவாக்கம்: உஷா கனகரட்ணம்
குரல்வடிவம்: யூலியஸ் அன்ரனி
தயாரிப்பு: தேன் தமிழ் ஓசை

அருட்தந்தை இருதயநாதன் பேதுருப்பிள்ளை அவர்கள் இறைவனடி சேர்ந்து விட்டார்.


அருட்தந்தை இருதயநாதன் பேதுருப்பிள்ளை அவர்கள் 1947 மே மாதம் யாழ்ப்பாணம் தாளையடியில் பிறந்து, 27.12.1974 இல் யாழ் ஆயரினால் குருவாகத் திருநிலைப்படுத்தப்பட்டார். 1975, 1976 ஆம் ஆண்டுக்காலப்பகுதிகளில் யாழ் புனித மரியாள் பேராலயத்தில் பணிபுரிந்தார். அதேவேளை யாழ் சிறைச்சாலையிலும் குருவாகப் பணி புரிந்தார்.

1979இல் Sri-Lanka Palayaddu இல் உள்ள புனித லூர்து அன்னை ஆலயத்தில் பணி பரிந்தார். பின்னர் philiphins Manila இல் உள்ள கிழக்காசிய ஆயரில்லத்தில் இரண்டு ஆண்டுகள் கல்வியினைத் தொடர்ந்தார். அதே வேளை Metro Manila இன் காலூக்கன் நகரில் உள்ள Our Lady of Grace ஆலயத்தில் உதவிக்குருவாக பணிபுரிந்தார்.

01.04.1987 ஆம் திகதி அருட்தந்தை அவர்கள் Bergen நகருக்கு வருகை தந்து, புனித பவுல் பங்கில் தனது பணியினை ஆரம்பித்தார். அவர் நோர்வேஜிய மொழியை திறம்படக் கற்று இங்கு வாழ்ந்த அனைத்து மொழியினருக்கும் தனது பணியை ஆற்றினார் என்பது குறிப்பிடத்தக்கது.

அவர் சமயம் கடந்து அனைத்து தமிழர்களுடனும் நல்லுறவு கொண்டதுடன், அவர்களுடன் நட்பினை வளர்த்து தமிழர்களின் கலாசார விடயங்களிலும் தன்னை ஈடுபடுத்தினார். பல ஆண்டுகளாக Bergen தமிழ்ச் சங்கத்தின் தலைவராக பொறுப்பேற்று சங்கத்தை வழி நடத்தினார்.

இங்கு வாழ்ந்து வந்த மூத்த தமிழர்களுடன் சிறந்த நட்புறவை கொண்டிருந்தார். புனித பவுல் பாடசாலையிலும் ஆசிரியராக பணியாற்றினார். 1994—1995 புனித பவுல் ஆலய பங்குத்தந்தையாகப் பணியாற்றினார்.

1995 —-1996 ஜெருசலேம், ரொறனரோ போன்ற இடங்களுக்கு மேற்படிப்பிற்காக சென்றிருந்தார். பின்னர் Oslo வருகை தந்து புனித Olav ஆலயத்தில் 2006 ஆம் ஆண்டு வரை பணி புரிந்தார்.

2001ல் Oslo இல் உள்ள புனித Synniva பாடசாலையிலும் ஆசிரியராக பணியாற்றினார். 2006 இல் Lillestrøm புனித Magnus பணியகத்தில் ஆயரின் மேய்ப்புப் பணிக்குழு உறுப்பினரானார். 2007 ஆம் ஆண்டில் Oslo கத்தோலிக்க மறை மாவட்டத்தில் பணியாற்றினார். அக்காலகட்டத்தில் அவர் நோர்வே மறை மாவட்ட குருவானார்.

பின்னர் புனித Magnus ஆலய பங்குத் தந்தையாக பணியாற்றி மீண்டும் தனது தாய் மண்ணாம் தாளையடிக்கு குடியேறினார். அங்கு அவரது உடல் நலக் குறைவு காரணமாக மீண்டும் நோர்வே நாடு திரும்பினார்.

அருட்தந்தை அவர்கள் 2020 மே மாதம் 30 ஆம் திகதி பூவுலகில் தன் பணி வாழ்வை முடித்து இறைவனடி சேர்ந்தார். அவரின் ஆன்மா இறைவனில் இளைப்பாற மன்றாடுவோம்.

தேன் தமிழ் ஓசை

அருட்தந்தை இருதயநாதன் பேதுருப்பிள்ளை அவர்கள் இறைவனடி சேர்ந்தார்.

அருட்தந்தை இருதயநாதன் பேதுருப்பிள்ளை அடிகளார் வயது - 73 பிறப்பு - 20-05-1947 இறப்பு - 30-05-2020

 யாழ்ப்பானம் தாளையடியை பிறப்பிடமாகவும், நோர்வேயை பணித்தளமாகவும் கொண்ட அருட்தந்தை இருதயநாதன் பேதுருப்பிள்ளை அடிகளார் 30-05-2020 சனிக்கிழமை அன்று Norway Fredrikstad இல் இறைபதமடைந்தார்.

அன்னார்,

யாழ்.புனித மரியன்னை பேராலயம், கண்டி அம்பிட்டியா தேவாலயம், திருகோணமலை பாலையூற்று புனித லூர்து அன்னை ஆலயம், மூதூர் புனித அந்தோனியார் ஆலயம் போன்ற கத்தோலிக்க பணித்தளங்களில் பணியாற்றி, பின்னர் தனது மறைப் பணிக்காக 1987 இல் Norway Bergen மண்ணில் கால் பதித்து 1988 ஆம் ஆண்டில் இருந்து Bergen புனித பவுல் தேவாலய ஆன்மீக குருவாகவும், 1994 முதல் அந்த தேவாலயத்தின் பங்குத்தந்தையாகவும், 1996 முதல் புனித Olav பேராலயத்தின் உதவிக் குருவாகவும், 2007 ஆம் ஆண்டில் இருந்து 2014ஆம் ஆண்டுவரை Lillestrom புனித மக்னஸ்(St.Magnus) ஆலய பங்குத்தந்தையாகவும் பணியாற்றி ஓய்வு பெற்றவர் ஆவார்.

 அன்னாரின் ஆன்மா இறைவனின் பாதத்தில் அமைதியில் இளைப்பாற பிரார்த்திக்கின்றோம்.

 இவ் அறிவித்தலை குருக்கள், துறவிகள், அருட் சகோதரிகள், உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.

 தகவல்: குடும்பத்தினர்

 

Template by JoomlaShine